نكـــــــــــــــــــــــــــــــــــت

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال
للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس
***************
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه
كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
***********************

مره دكتور صيدلي قابل دكتور صيدلي زيه قاله مرهم بيك قاله
بنسلين ماشفناش بعض
**********************

مرة ثلاث شباب راحو امريكا وبعد كام شهر ابو واحد فيه مات فحبو يبلغوا فطلع واحد منهم وقال انا حبلغو فراح وقال
انت شفت ابوك امتى اخر مرة قال الولد:من شهرين رد علية قالو:هذة دقني لو شفتو مرة تانية
************************

مرة وحدة وحشة جدا بتقول لزوجها نفسى ابقا
عصفورة قال لها وانا نفسى ابقا بندقية
***********************************

مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة.
***********************************************************

مرة واحد سكران بيوقف تاكسي فسأله: فاضي ياسطة فقال له الأسطة:
ايوة فاضي فقال له السكران طيب ماتيجي تقعد معايا شوية.
**************************************

مرة إتنين مساطيل راكبين عربية فواحد قال للتانى : حاسب قدامك شجرة فالتانى
مردش عليه فعلى صوته شوية : قدامك شجرة.. برضه مردش عليه فقاله :
حاسب قداااامك شجررررررا .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت
إلى سايق ؟؟؟ .
***************************************************
واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم .
******************************************************

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله ..
*********************************************************

وليكم منـــــــــــــــى احلى تحيه ويارب النكت تعجبكم

موضوع: رد على النكت السبت يناير 24, 2009 10:13 pm

هههههههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههه
هههههههههههههههههههههههه
هههههههههههههههههه
ههههههههههه
هههههه
ههه

مشكور على النكت و بجد جميلة ورائعة من عضو رائع